SOLVERE et aperire

SOLVERE et aperire
analoga, ut ligare et claudere, quod antiquissimis temporibus, cum clavium serarumque nondum usus esset, vincula et nodi huic rei adhiberentur. Hinc in Sacris usurpatae voces, ut vidimus supra passim: etiam ad Magicas artes translatae, ac cantibus herbisque ligari solvive homines dicti. Vide suprâ, inprimis in vocibus, Ligare et Nodus Veneris. De verbi propria acceptione ut pauca addam, non amare solum, sed et amorum suorum compotes existimabantur olim, quibus in convivio solvebantur coronae, uti de caprario illo Theocritaeo legimus Eidyll. 3. Et hoc est, quod prisci dicebant, coronas in convivio cadere seu diffluere, nempe comâ et coronâ unguentô madidis et hicn facile fluentibus. Ovid. l. 1. Amor. Eleg. 5. v. 37.
Ergo amor et modicum circum meatempora vinum
Mecum est, et madidis lapsa corona comis.
Et quidem eô insuper artificiô plectebantur coronae, ut procedente conviviô, et invalescenre libidine, facile defluerent folia et flores, e quibus serta convivilalia constabant: quô velut signô datô quisque in vicinae sibi mulieris amplexus ruebat. Ad quam foeditatem allusit Hieronym. l. 1. Ep. 43. Numquid in lancibus idola caelata descripsis: Numquid inter epulas Christianas virginalibus oculis Baccharum, Satyrorumque complexus innexui. Vide quoque Clem. Alexandrinum Paedagog. l. 2. c. 4. Quintilian. Instii. l. 1. c. 3. Philostratum in Imaginibus. Alios. Cur autem solutio, vel etiam sessio seu detractio coronarum (namque et scindebantur aut detrahebantur, si non sponte defluerent) velut classicum impudenti huic proterivae adhiberi consueverit, vide pluribus disputantem Athenaeum l. 15. Aliud quid fuit apud veteres Christianos, Λύβις ςτεφάνων, Solutio coronarum, unus videl. ex ritibus eorum nuptialibus, de quo vide supra, lemmate, Nuptialis corona. Quaenam vero loca in soluto remansisse dicantur Agrimensoriae Rei Auctoribus, vide itidem supra in voce Absolutum, nec non Relicta loca, ac infra voce Subsicivum.

Hofmann J. Lexicon universale. 1698.

Look at other dictionaries:

  • LIGANDI et Solvendi arcanum — s. mysterium fundamentale, Theologiae et Iurisprudentiae apud Hebraeos velut Encyclopaedia fuit. Cum enim varii essent inter illos Presbyteri, quidam Iudiciariae facultatis omnimodae, quae iurisdictionis contentionsae esset, sive criminalis, sive …   Hofmann J. Lexicon universale

  • Liste lateinischer Lehn- und Fremdwörter im Deutschen — Die Liste lateinischer Lehn und Fremdwörter im Deutschen ist eine Liste mit deutschen Begriffen, die ihren Ursprung im Latein haben. Im Alltagsbereich finden sich deutsche Wörter mit lateinischen Wurzeln überwiegend bei den Begriffen, die vom… …   Deutsch Wikipedia

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.